برجرايز

البداية في عالم المطاعم من أوائل الألفينات، كنا شباب صغير عنده حلم كبير. اشتغلنا في مطابخ كتير، وتعلمنا من أكبر البراندات. شوفنا كل حاجة بتحصل ورا الكواليس، حسينا بتعب الشيف اللي بيقف قدام الجريل بالساعات عشان يطلع وجبة ترضي الناس، وعرفنا إن أحلى حاجة في الشغلانة دي هي ابتسامة الرضا على وش الزبون.

ولادة برجرايز في ٢٠٢٢، قررنا نحول كل اللي تعلمناه لحاجة تمثلنا بجد. حاجة نقدر نكون فخورين بيها. سألنا نفسنا: “ليه ما نعملش البرجر اللي نفسنا ناكله؟ ليه ما نخلقش تجربة مختلفة تبسط الناس؟” ومن هنا جه اسم برجرايز. الاسم ده كان جوانا من زمان، كنا بنحوشله، بنخططله، وبنحلم بيه كل يوم.

أول خطوة وأكبر مخاطرة في ٢٠٢٣، أخدنا القرار اللي غيّر حياتنا. فتحنا أول مطبخ سحابي لينا في مدينة السادات. كانت خطوة مجنونة بالنسبة لناس كتير حوالينا، لأن الفكرة وقتها كانت جديدة على السوق. الناس ماكنتش لسه متعودة تطلب أونلاين، ولا كانت فاهمة يعني إيه كلاود كيتشن. بدأنا بـ٣ منتجات بس: 🍔 برجر كلاسيك 🍗 تشيكين كلاسيك 🍟 بطاطس.

سنة ٢٠٢٤ كانت نقطة تحول جديدة في رحلتنا، قدرنا نحقق فيها إنجاز كبير لما فتحنا فرعين جداد لبرجرايز: شبين الكوم وفيصل. الخطوة دي بالنسبة لينا ماكنتش مجرد توسع عادي، دي كانت شهادة ثقة من عملائنا اللي حبوا طعمنا وجودتنا من أول تجربة. في شبين الكوم، كنا أول براند برجر يدخل بقوة ويثبت نفسه بجودة عالية وسعر مناسب، قدرنا نخلي الناس تعيش تجربة أكل مختلفة فعلاً. أما في فيصل، التحدي كان أكبر بسبب المنافسة، لكن برجرايز قدر يفرض نفسه بجودة طعمنا المميز اللي بيفرق في كل لقمة. ٢٠٢٤ كانت السنة اللي أثبتنا فيها إن برجرايز مش مجرد براند بيبيع برجر… برجرايز هو قصة طعم أصيل، جودة ثابتة، وتجربة عملاء بتخلي كل زيارة ذكرى ما تتنسيش.

في اواخر اغسطس 2025، كانت محطة جديدة ومهمة في رحلة برجرايز، لما فتحنا أول فرع لينا في محافظة القليوبية – مدينة بنها. اخترنا بنها لأنها مدينة نابضة بالحياة، وأهلها عارفين يقدّروا الطعم الأصيل والجودة العالية اللي متعودين عليها من برجرايز. الفرع الجديد جه بتجربة كاملة تجمع بين اللحم البلدي الطازج، والبطاطس المقرمشة، والصوصات المميزة، علشان نضمن إن أول لقمة تفتح نفسك، وآخر لقمة تخليك مستني الزيارة الجاية. 🍔🔥 برجرايز في بنها مش بس فرع جديد… ده بداية فصل جديد في قصة انتشارنا في مصر.